Հայաստանում օգոստոսին 12-ամսյա գնաճը կազմել է 4.4%, մեկ ամսում գներն աճել են 0.2%-ով
ԵՐԵՎԱՆ, 4 սեպտեմբերի․ /ԱՌԿԱ/․ Հայաստանում 2026 թ.-ի օգոստոսին 2025 թ.-ի օգոստոսի համեմատ արձանագրվել է 4.4% գնաճ, իսկ ընթացիկ տարվա հուլիսի համեմատ գներն աճել են 0.2%-ով։ Այս մասին են վկայում Հայաստանի վիճակագրական կոմիտեի տվյալները։
2026 թ.-ի օգոստոսին 2025 թ.-ի օգոստոսի համեմատ սննդամթերքի և ոչ ալկոհոլային խմիչքների գներն աճել են 6.4%-ով, իսկ հուլիսի համեմատ նվազել 1%-ով։
Ալկոհոլային և ծխախոտային արտադրանքը տարեկան կտրվածքով թանկացել է 7.5%-ով, իսկ մեկ ամսում՝ 0.3%-ով։
Հագուստի և կոշիկի գներն օգոստոսին նախորդ տարվա օգոստոսի համեմատ աճել են 3.6%-ով, իսկ մեկ ամսում փոփոխության չեն ենթարկվել։ Բնակարանային կոմունալ ծառայությունների, ջրի, էլեկտրաէներգիայի, գազի և վառելիքի այլ տեսակների արժեքը տարեկան կտրվածքով ավելացել է 1.4%-ով, իսկ մեկ ամսում՝ 1.1%-ով։ Տնային գործածության ապրանքների, կենցաղային տեխնիկայի և բնակարանների խնամքի ծառայությունների գներն աճել են 2.5%-ով տարեկան կտրվածքով և 0.4%-ով մեկ ամսում։
Առողջապահության ոլորտում գնաճը տարեկան կտրվածքով կազմել է 3.5%, իսկ մեկ ամսում՝ 0.2%։ Տրանսպորտի ոլորտում գներն աճել են 2.4%-ով նախորդ տարվա օգոստոսի համեմատ և 4.1%-ով հուլիսի համեմատ։ Կապի ոլորտում աճը կազմել է 0.6% տարեկան կտրվածքով, ընդ որում մեկ ամսում գները նվազել են 0.2%-ով։ Հանգստի և մշակույթի ոլորտում տարեկան կտրվածքով գները չեն փոխվել, իսկ մեկ ամսում նվազել են 0.6%-ով։
Կրթության ոլորտում գներն աճել են 8.3%-ով 2025 թ.-ի օգոստոսի համեմատ՝ ամսական դինամիկայի բացակայության պայմաններում։ Ռեստորանային և հյուրանոցային ոլորտներում աճը կազմել է 5% տարեկան կտրվածքով և 0.3% մեկ ամսում։ Տարբեր ապրանքների և ծառայությունների գներն ավելացել են 3.5%-ով տարվա ընթացքում և 0.1%-ով հուլիսի համեմատ։
Ընդ որում, ոչ պարենային ապրանքների շուկայում 2026 թ.-ի օգոստոսին 2025 թ.-ի օգոստոսի համեմատ գներն աճել են 2.4%-ով, իսկ հուլիսի համեմատ՝ 0.4%-ով։ Ծառայությունների սակագները տարվա ընթացքում բարձրացել են 2.8%-ով, իսկ մեկ ամսում՝ 1.3%-ով։
2026 թ.-ի պետական բյուջեով Հայաստանի տնտեսական աճը նախատեսված է 5.4% չափով։ Ընթացիկ տարվա առաջին եռամսյակի Կենտրոնական բանկի դրամավարկային քաղաքականության հաշվետվության համաձայն՝ 2026 թ.-ի արդյունքներով Հայաստանի ՀՆԱ-ի աճը, կախված սցենարից (A-B), սպասվում է 7.1-4.7% միջակայքում, 2027 թվականին՝ 5.7-5.3%, 2028 թվականին՝ 4.9-5.2%:
