ՀՀ ԱԳ նախարարը կայցելի Ռուսաստան
15.02.2017,
15:31
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
ԵՐԵՎԱՆ, 15 փետրվարի. /ԱՌԿԱ/. ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
Այցը կդառնա ռուս-հայկական հագեցած երկխոսության շարունակությունը, որն ուղղված է դաշնակցային փոխգործակցության հետագա զարգացմանը
քաղաքական, առևտրա-տնտեսական և հումանիտար ոլորտներում», Զախարովայի խոսքերը մեջբերում է ՏԱՍՍ-ը։
«Բանակցությունների ընթացքում նախատեսվում է քննարկել երկկողմ համագործակցությանը և արտաքին քաղաքականությանը վերաբերող ակտուալ թեմաներ, որոնց թվում է Լեռնային Ղարաբաղի հակամարտության կարգավորումը», - ընդգծել է Զախարովան: -0-
