ՀՀԿ–ից նախկին նախարարներն աշխատանքի նոր առաջարկներ կստանան. խմբակցության ղեկավար
ԵՐԵՎԱՆ, 26 փետրվարի. /ԱՌԿԱ/. ՀՀԿ–ից երկու նախկին նախարարներն աշխատանքի նոր առաջարկներ կստանան, ուրբաթ խորհրդարանական ճեպազրույցների ժամանակ ասաց իշխող ՀՀԿ խմբակցության ղեկավար Վահրամ Բաղդասարյանը` մեկնաբանելով ՀՀ ԿԳ նախարար Արմեն Աշոտյանի և էկոնոմիկայի նախարար Կարեն Ճշմարիտյանի հրաժարականները ՀՅԴ–ՀՀԿ համագործակցության համաձայնագրի շրջանակում։
«Այս փորձառու և ընդունակ մարդիկ, անկասկած, կարող են հաջողությամբ աշխատել նաև այլ պաշտոններում։ Կարծում եմ` ժամանակի ընթացքում նրանք առաջարկներ կստանան տարբեր ոլորտներում։ Մեր կուսակցությունը դեռ չի քննարկել այս հարցը», – ասաց Բաղդասարյանը։
Մի շարք նախարարությունների ղեկավարների փոփոխությունը պայմանավորված է չորեքշաբթի ստորագրված ՀՀԿ–ՀՅԴ համագործակցության համաձայնագրով։ Նույն օրը ՀՀ նախագահ Սերժ Սարգսյանի հրամանագրով ՀՅԴ ներկայացուցիչ Արծվիկ Մինասյանը փոխարինել է Ճշմարիտյանին ՀՀ էկոնոմիկայի նախարարի պաշտոնում, իսկ Լևոն Մկրտչյանը նշանակվել է ՀՀ ԿԳ նախարար Աշոտյանի փոխարեն։–0–
