ԼՂՀ ՊՆ. ԱՀ ՊԲ–ի կողմից ադրբեջանական բնակավայրերին մոտակա տարածքները հրդեհելու մասին լուրերը կեղծ են
12.06.2017,
11:53
Այդ հաղորդագրությունները սեփական ու միջազգային հանրությանն ապակողմնորոշելու պարզունակ քարոզչական հնարք են։
ՍՏԵՓԱՆԱԿԵՐՏ, 12 հունիսի. /ԱՌԿԱ/. Ադրբեջանական զանգվածային լրատվամիջոցների կողմից պարբերաբար տարածվող հաղորդագրություններն առ այն, թե իբր հայկական բանակի ստորաբաժանումները հրդեհել են Աղդամի շրջանի Բաշ Քարվենդ, Բայրամլար և Քենգերլի բնակավայրերին մոտակա տարածքները, իրականությանը չեն համապատասխանում, հաղորդում է ԼՂՀ ՊՆ մամուլի ծառայությունը։
«Այդ հաղորդագրությունները սեփական ու միջազգային հանրությանն ապակողմնորոշելու պարզունակ քարոզչական հնարք են», – նշվում է հաղորդագրության մեջ։
Գերատեսչությունը նաև հայտնում է, որ Ադրբեջանում արդեն ավարտվել է բերքահավաքը և «հենց իրենք են վառում իրենց ցանքատարածքները, ինչի հետևանքով կրակը շատ հաճախ տարածվում է արցախա-ադրբեջանական հակամարտ զորքերի չեզոք գոտում», – նշվում է հաղորդագրության մեջ։–0–
