Рейтинг@Mail.ru
USD
384.26
EUR
452.58
RUB
4.8832
GEL
141.37
2025 թ. հուլիսի 7, երկուշաբթի
եղանակը
Երևանում
+20

ՌԴ նախագահ Վլադիմիր Պուտինը կայցելի Հայաստան

11.10.2016, 16:53
ՌԴ նախագահ Վլադիմիր Պուտինը հոկտեմբերի 14-ին կայցելի Հայաստան` ՀԱՊԿ Հավաքական անվտանգության խորհրդի հերթական նստաշրջանին մասնակցելու համար։
ՌԴ նախագահ Վլադիմիր Պուտինը կայցելի Հայաստան

ԵՐԵՎԱՆ, 11 հոկտեմբերի. /ԱՌԿԱ/. ՌԴ նախագահ Վլադիմիր Պուտինը հոկտեմբերի 14-ին կայցելի Հայաստան` ՀԱՊԿ Հավաքական անվտանգության խորհրդի հերթական նստաշրջանին մասնակցելու համար, հաղորդում է Կրեմլի պաշտոնական կայքը:

«Նախատեսվում է քննարկել ՀԱՊԿ պատասխանատվության գոտում տիրող իրավիճակը, ինչպես նաև ՀԱՊԿ հավաքական անվտանգության համակարգի հետագա կատարելագործման հարցերը», - նշվում է հաղորդագրության մեջ:

2015 թ.-ի դեկտեմբերին Մոսկվայում ՀԱՊԿ գագաթնաժողովին ընդունված որոշումներին համապատասխան` առանձնահատուկ ուշադրություն կդարձվի միջազգային ահաբեկչության դեմ պայքարի միջոցներին:

Երևանում ՀԱՊԿ Հավաքական անվտանգության խորհրդի նստաշրջանի ժամանակ կազմակերպության նախագահությունը Հայաստանից կանցնի Բելառուսին: -0-