Մեկնարկել է Զոհրաբ Մնացականյան, ԵԱՀԿ ՄԽ համանախագահների ու ԵԱՀԿ գործող նախագահի անձնական ներկայացուցչի հանդիպումը
16.01.2019,
12:37
Փարիզում մեկնարկել է Զոհրաբ Մնացականյան, ԵԱՀԿ ՄԽ համանախագահների ու ԵԱՀԿ գործող նախագահի անձնական ներկայացուցչի հանդիպումը։
ԵՐԵՎԱՆ, 16 հունվարի./ԱՌԿԱ/. Մեկնարկել է Հայաստանի ԱԳ նախարարի պ/կ Զոհրաբ Մնացականյանի հանդիպումը ԵԱՀԿ ՄԽ համանախագահների և ԵԱՀԿ գործող նախագահի անձնական ներկայացուցչի հետ։
Այս մասին հաղորդում է ՀՀ ԱԳՆ մամուլի խոսնակ Աննա Նաղդալյանը։
Հիշեցնենք, որ այսօր նախատեսված է նաև Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի հանդիպումը։
Հանդիպումը տեղի կունենա ԵԱՀԿ Մինսկի Խմբի համանախագահների միջնորդությամբ և մասնակցությամբ:
Հայաստանի և Ադրբեջանի ԱԳ նախարարների նախորդ` երրորդ հանդիպումը, տեղի է ունեցել 2018թ.–ի դեկտեմբերի սկզբին Միլանում։ Հանդիպման ընթացքում կողմերը հանգամանալի կերպով ծանոթացել են միմյանց դիրքորոշումներին և մոտեցումներին ղարաբաղյան հակամարտության կարգավորման գործընթացի հարցում։–0–
