Վարչապետ. ԱՆ–ն առաջիկայում կառուցվածքային լուրջ փոփոխությունների կենթարկվի
18.02.2016,
12:51
Առողջապահության նախարարությունն առաջիկայում կառուցվածքային լուրջ փոփոխությունների կենթարկվի:
ԵՐԵՎԱՆ, 18 փետրվարի. /ԱՌԿԱ/. ՀՀ վարչապետ Հովիկ Աբրահամյանը դժգոհ է ՀՀ առողջապահության նախարար Արմեն Մուրադյանի աշխատանքից և հայտարարել է, որ մտադիր է գերատեսչությունում կառուցվածքային լուրջ փոփոխություններ իրականացնել, հայտնում է «Նովոստի–Արմենիա» գործակալությունը` հղում անելով «Ժողովուրդ» թերթին։
Առողջապահության նախարարության անցած տարվա գործունեության կատարողականը քննարկելիս վարչապետը նախարար Արմեն Մուրադյանին նախատել է պետպատվերով բուժօգնության առնչութամբ ստացված բողոքների հետ կապված:
Թերթի հաղորդմամբ` Հովիկ Աբրահամյանը նախարարին ասել է, որ պետպատվերով բուժօգնությունը հաճախակի հասցեատերերին չի հասնում, և այդ խնդրի հետ կապված դժգոհությունները գնալով ավելանում են:–0–
