Խնձորեսկ քարանձավային քաղաքը և հնագույն Դվինի բլուրները կարող են դառնալ Հայաստանի մշակութային ապրանքանիշեր
ԵՐԵՎԱՆ, 17 հունիսի. /ԱՌԿԱ/. Խնձորեսկ քարանձավային քաղաքը և հնագույն Դվինի բլուրները կարող են դառնալ Հայաստանի մշակութային ապրանքանիշեր: Այս մասին երկուշաբթի հայտարարեց «Բարգավաճ Հայաստան» կուսակցության պատգամավոր Նաիրա Զոհրաբյանը «Կինոյի» մասին օրենքի խորհրդարանական լսումների ժամանակ:
Նա նշեց, որ հետաքրքրված ներդրող կա, ով պատրաստ է ներդրումներ կատարել Խնձորեսկ քաղաքի զարգացման համար` որպես Հայաստանի մշակութային և զբոսաշրջային կենտրոն:
Ըստ նրա, կա նաև ներդրող, ով նախատեսում է խոշոր նախագիծ իրականացնել հնագույն Դվինի բլուրներում: Զոհրաբյանը մանրամասնեց, որ Դվինի զարգացման նախագիծը նախատեսում է պեղումներ իրականացնել բլուրներում, որտեղ գտնվում էր պատմական հայկական մայրաքաղաքը և միաժամանակ ծրագրեր իրականացնել զբոսաշրջիկների ներգրավման համար:
Պատգամավորը նշեց, որ նախագիծն ուղարկված է կառավարություն և հույս հայտնեց, որ այն կհաստատվի:-0-