ԱԳՆ. հայկական կողմն առաջարկել է Փաշինյան–Ալիև երկկողմ հանդիպում ունենալ, ադրբեջանական կողմը մերժել է
18.07.2024,
15:43
ԱԳՆ–ից նշում են, որ հայկական կողմի առաջարկն ուժի մեջ է
ԵՐԵՎԱՆ, 18 հուլիսի․/ԱՌԿԱ/․ Հայկական կողմն առաջարկել է Հայաստանի վարչապետի և Ադրբեջանի նախագահի երկկողմ հանդիպում ունենալ ՄԹ֊–ում ընթացող Եվրոպական քաղաքական համայնքի գագաթաժողովի շրջանակներում, սակայն ադրբեջանական կողմը մերժել է առաջարկը, հայտնում են ՀՀ ԱԳՆ–ից։
Գերատեսչությունից նաև նշում են, որ հայկական կողմի առաջարկն ուժի մեջ է:
«Հայկական կողմը նաև վերահաստատում է իր առաջարկը` ինտենսիվացնել բարձր և բարձրագույն մակարդակով բանակցությունները և մեկ ամսվա ընթացքում հասնել խաղաղության պայմանագրի ստորագրմանը», – նշել են գերատեսչությունից։
Այսօր ավելի վաղ Ադրբեջանի նախագահի օգնական Հիքմեթ Հաջիևը հայտարարել էր, թե հայկական կողմը հրաժարվել է հանդիպել Իլհամ Ալիևի հետ Բրիտանիայում ընթացող Եվրոպական քաղաքական համայնքի շրջանակում։
