ՀՀ գործող վարչապետը, հավանաբար, նոր պաշտոն կունենա ապրիլին
26.01.2018,
11:47
Հայաստանի գործող վարչապետ Կարեն Կարապետյանն ապրիլի 9-ից, հավանաբար, նոր պաշտոն կունենա։
ԵՐԵՎԱՆ, 26 հունվարի. /ԱՌԿԱ/. Հայաստանի գործող վարչապետ Կարեն Կարապետյանն ապրիլի 9-ից, հավանաբար, նոր պաշտոն կունենա։
Ինչպես հայտնում է «Ժամանակ» թերթը, նա կարող է փոխարինել փոխվարչապետ Վաչե Գաբրիելյանին:
«Միայն այն տարբերությամբ, որ եթե Գաբրիելյանը միջազգային տնտեսական ինտեգրման և տնտեսական բարեփոխումների նախարար է, Կարապետյանը կզբաղվի այդ միջազգայինի միայն ԵԱՏՄ-ական մասով, կլինի փոխվարչապետ ԵԱՏՄ գծով»,– գրում է թերթը։
Պարբերականի հաղորդմամբ, կառավարության նոր կառուցվածքը նման հնարավորություն տալիս է։ -0-
