Արցախի նախագահն առողջապահության նոր նախարար է նշանակել

ԵՐԵՎԱՆ, 21 դեկտեմբերի./ԱՌԿԱ/. Արցախի նախագահ Արայիկ Հարությունյանը չորեքշաբթի հրամանագիր է ստորագրել Սամվել Ավետիսյանին Արցախի Հանրապետության առողջապահության նախարար նշանակելու մասին, հայտնում են նախագահի աշխատակազմի տեղեկատվության գլխավոր վարչությունից։

Չորեքշաբթի ավելի վաղ Արցախի պետնախարար Ռուբեն Վարդանյանը հայտարարել էր, որ սա առաջին նշանակումն է հանրապետության նոր կառավարությունում։

«Շատ շնորհակալ եմ պարոն Ավետիսյանին, որ եկել է Հայաստանից և միացել մեզ առողջապահության ոլորտը խթանելու համար»,- ասել է նա։

Այս տարվա նոյեմբերի 23-ին Արցախի նախագահը պաշտոնանկ է արել 9 նախարարի, այդ թվում՝ առողջապահության նախարարության ղեկավար Միքայել Հայրիյանին։ -0-