Ադրբեջանի ԶՈ-ն ինտենսիվ կրակ է բացել Սոթքի ուղղությամբ, կիրառում է նաև ականանետ

ԵՐԵՎԱՆ, 1 սեպտեմբերի./ԱՌԿԱ/. Ադրբեջանի պաշտպանության նախարարությունը, օգոստոսի 31-ին պարբերաբար ապատեղեկատվություն տարածելով ու այդպիսով հերթական սադրանքի համար տեղեկատվական հիմք ստեղծելով, սեպտեմբերի 1-ին՝ ժամը 07:50-ից սկսած, ինտենսիվ կրակ է բացել Սոթքի հատվածում տեղակայված հայկական դիրքերի ուղղությամբ, հաղորդում է ՀՀ ՊՆ-ն:

Սոթքի հատվածում տեղակայված հայկական դիրքերի ուղղությամբ Ադրբեջանի ԶՈՒ-ն, տարբեր տրամաչափի հրաձգային զենքերից զատ, կիրառում է նաև ականանետ:

Նախօրեին ՀՀ ՊՆ-ն երեք անգամ հերքել է Ադրբեջանի ապատեղեկատվությունը:-0-