Մհեր Գրիգորյանն Իրանի դեսպանի հետ քննարկել է տարածաշրջանային հարցեր և համագործակցության խորացումը ԵԱՏՄ–ի շրջանակում
16.08.2024,
15:36
Հանդիպման ընթացքում քննարկվել են հայ-իրանական երկկողմ հարաբերությունների օրակարգի առանցքային հարցերը
ԵՐԵՎԱՆ, 16 օգոստոսի․/ԱՌԿԱ/․ Փոխվարչապետ Մհեր Գրիգորյանն ընդունել է Հայաստանում Իրանի Իսլամական Հանրապետության դեսպան Մեհդի Սոբհանիին, հաղորդում է ՀՀ կառավարության մամուլի ծառայությունը։
Հանդիպման ընթացքում քննարկվել են հայ-իրանական երկկողմ հարաբերությունների օրակարգի առանցքային հարցերը, անդրադարձ է կատարվել նաև ԵԱՏՄ շրջանակներում համագործակցության խորացման հեռանկարներին:
Զրուցակիցներն անդրադարձել են նաև տարածաշրջանային զարգացումներին:
