Ալեքսան Հարությունյանը համատեղության կարգով նշանակվել է Չիլիի դեսպան

ԵՐԵՎԱՆ, 12 հունվարի. /ԱՌԿԱ/. Արգենտինայի Հանրապետությունում ՀՀ արտակարգ և լիազոր դեսպան Ալեքսան Հարությունյանը համատեղության կարգով նշանակվել է Չիլիի Հանրապետությունում  ՀՀ արտակարգ և լիազոր դեսպան (նստավայրը` Բուենոս Այրես):

Ինչպես տեղեկացնում է ՀՀ արտաքին գործերի նախարարության  ֆեյսբուքյան էջը` հրամանը ստորագրել է Հայաստանի նախագահը:

Հարությունյանը Արգենտինայում դեսպան է նշանակվել 2014 թվականին: 1998-1999 թվականներին նա եղել է ՀՀ նախագահի աշխատակազմի ղեկավար, 1999-2003 թվականներին ՀՀ նախագահի խորհրդական: 2003-2013 թվականներին Հարությունյանը ղեկավարել է Հանրային հեռուստառադիոյի խորհուրդը:-0-