Հակառակորդը խախտել է հրադադարի պահպանման ռեժիմը սահմանում
ԵՐԵՎԱՆ, 19 մայիսի. /ԱՌԿԱ/. Արցախա-ադրբեջանական հակամարտ զորքերի շփման գծում մայիսի 18-ին և լույս 19-ի գիշերը հակառակորդը տարբեր տրամաչափի հրաձգային զինատեսակներից խախտել է հրադադարի պահպանման ռեժիմը։
Ադրբեջանական զինուժը հրադադարի ռեժիմը խախտել է մոտ 90 անգամ՝ հայ դիրքապահների ուղղությամբ արձակելով ավելի քան 1300 կրակոց:
Ինչպես հաղորդում է Արցախի պաշտպանության բանակի պաշտոնական կայքը, բացի հրաձգային զինատեսակներից, ադրբեջանական զինուժը շփման գծի արևելյան ուղղությամբ կիրառել է 60 միլիմետրանոց ականանետ (1 արկ), իսկ հյուսիսարևելյան հատվածում՝ 60 միլիմետրանոց ականանետ (1 արկ) և ձեռքի հակատանկային նռնականետ (1 արկ):
«ՊԲ առաջապահ զորքերը շարունակում են լիակատար վերահսկողություն պահպանել առաջնագծում և իրականացնել մարտական դիրքերի հուսալի պահպանություն»,- ասված է հաղորդագրության մեջ: -0-
Ծանոթացեք լուրերին առաջինն ու քննարկեք դրանք մեր Telegram-ում
12:41 19.05.2017
