ՀՀԿ–ն և ԲՀԿ–ն կարող են պայմանավորվել նախընտրական ժամանակահատվածում
24.02.2017,
12:08
Ազգային անվտանգության ծառայությունը նախագահական նստավայրի սոցիոլոգների հետ ներքին օգտագործման սոցհարցում են իրականացրել, ըստ որի, ՀՀԿ-ի վարկանիշը սոսկալի ցածր է, գրում է «Ժամանակ» թերթը։
ԵՐԵՎԱՆ, 24 փետրվարի. /ԱՌԿԱ/. Ազգային անվտանգության ծառայությունը նախագահական նստավայրի սոցիոլոգների հետ ներքին օգտագործման սոցհարցում են իրականացրել, ըստ որի, ՀՀԿ-ի վարկանիշը սոսկալի ցածր է, գրում է «Ժամանակ» թերթը։
Հարցման արդյունքներով, առաջատարը «Ծառուկյան» դաշինքն է։
«Հետընտրական հնարավոր համագործակցության շուրջ Սերժ Սարգսյանը պատրաստվում է արդեն պայմանավորվել Ծառուկյանի հետ համամասնության եւ հարաբերությունների մասին՝ երաշխիք ստանալով, որ որեւէ անակնկալ չի լինելու»,– ասվում է գրառման մեջ։
Ըստ պարբերականի, Ծառուկյանը մինչ այս պահը մեծ հավակնություններ չի դրսևորել, իսկ նրա վերադարձը մինչ այս պահն իշխանության և անձամբ Սերժ Սարգսյանի համար որևէ խնդիր չի առաջացրել: -0-
