Պուտինը հայտնել է, որ Փաշինյանին կտեղեկացնի Բաքու կատարած այցի արդյունքների մասին
19.08.2024,
13:33
Ռուսաստանի ղեկավարն իր ծրագրերի մասին հայտարարել է Իլհամ Ալիևի հետ նեղ ձևաչափով զրույցի ժամանակ
ԵՐԵՎԱՆ, 19 օգոստոսի․/ԱՌԿԱ/. ՌԴ նախագահ Վլադիմիր Պուտինը հայտարարել է, որ Ադրբեջան այցից հետո ՀՀ վարչապետ Նիկոլ Փաշինյանին կպատմի Ադրբեջանի նախագահ Իլհամ Ալիևի հետ բանակցությունների արդյունքների մասին, հաղորդում է tass.ru-ն։
Ռուսաստանի ղեկավարն իր ծրագրերի մասին հայտարարել է Իլհամ Ալիևի հետ նեղ ձևաչափով զրույցի ժամանակ։
«Իհարկե, Ադրբեջան այցից հետո ես կապ կհաստատեմ վարչապետ Փաշինյանի հետ և նրան կպատմեմ մեր բանակցությունների արդյունքների մասին»,- խոստացել է Պուտինը։
Նշենք, որ ՌԴ նախագահ Վլադիմիր Պուտինը երեկ պետական այցով մեկնել էր Բաքու։
